"Qarabağ" klubunun UEFA Çempionlar Liqasında (ÇL) ev oyunlarını keçirəcəyi stadion dəqiqləşib. Olimpnews.az saytının məlumatına görə, tarixində ilk dəfə qitənin ən mötəbər klub turnirində çıxış edəcək Ağdam təmsilçisi rəqiblərini Bakı Olimpiya Stadionunda qəbul edəcək.
Artıq bununla bağlı UEFA ilə razılıq əldə olunub. "Qarabağ"ın Çempionlar Liqasının finalını qəbul etməyə namizəd olan arenada ilk matçı isə sentyabrın 27-də təşkil olunacaq. Qurban Qurbanovun yetirmələri həmin gün İtaliyanın "Roma" klubu ilə münasibətlərinə aydışlıq gətirəcək.
Oktyabrın 18-də "Atletiko" və noyabrın 22-də "Çelsi" klubları ilə görüşlər də ölkənin ən böyük stadionunda oynanılacaq.
Qeyd edək ki, Bakı Olimpiya Stadionun tamaşaçı tutumu 68 min 870 nəfərdir. "Qarabağ" isə bunadək ev oyunlarını Tofiq Bəhramov adına Respublika stadionunda keçirirdi.
jpeg-1758050108.jpeg)
jpeg-1758139617.jpeg)
