Ötən həftə UEFA Avropa Liqasında 1/8 final mərhələsinin püşkü atılıb. Olimpnews.az saytının məlumatına görə, 1/16 final mərhələsini adlayan komandalar İsveçrənin Nyon şəhərindəki tədbirdə 8 cütlük təşkil edib.
UEFA-nın mənzil-qərargahındakı mərasimdə kor püşkə üstünlük verilib. İştirakçılar eyni ölkəni təmsil etmələrindən və reytinqindən asılı olmayaraq bir səbətdən çıxarılıb.
Rusiyadan 3, İspaniya, İtaliya, Almaniya və Fransanın hərəsindən 2 klubun mübarizə aparacağı mərhələdə Ukrayna, Çexiya, Portuqaliya, Avstriya, İngiltərənin 1 komandası oynayacaq.
Şübhəsiz ki, mərhələnin ən maraqlı oyunu "Milan” - "Arsenal” komandaları arasında olacaq. Futbol mütəxəssisləri bu matçı erkən final da adlandırırlar.
Qeyd edək ki, 1/8 final mərhələsinin ilk oyunları martın 8-də, cavab qarşılaşmaları 15-də təşkil olunacaq.
UEFA Avropa Liqası
1/8 final mərhələsi
"Latsio” (İtaliya) - "Dinamo” (Kiyev, Ukrayna)
"Leypsiq” (Almaniya) - "Zenit” (Rusiya)
"Atletiko” (İspaniya) - "Lokomotiv” (Rusiya)
MOİK (Rusiya) - "Lion” (Fransa)
"Marsel” (Fransa) - "Atletik” (İspaniya)
"Sportinq” (Portuqaliya) - "Viktoriya” (Çexiya)
"Borussiya” (Dortmund, Almaniya) - "Zalsburq” (Avstriya)
"Milan” (İtaliya) - "Arsenal” (İngiltərə)
jpeg-1758050108.jpeg)
jpeg-1758139617.jpeg)
