Eduard Məmmədov və tələbəsi Adil Əliyev tərəfindən fəxri fərmanla təltif edilib

Milli Məclis Sədrinin müavini, Gənclər və İdman Komitəsinin Sədri, AKF-nın İdarə heyətinin sədri Adil Əliyev Eduard Məmmədov və tələbəsi Amin Quliyevi beynəlxalq idman arenasında ölkəmizi layiqincə təmsil etdiklərinə görə fəxri fərmanla təltif edib. Bundan əlavə, Adil müəllim dəfələrlə respublika birinciliyinin qalibi, kadetlər arasında WAKO dünya və Avropa birinciliyin qalibi, WAKO Dünya kubokunun sahibi Amin Quliyevi Gənclər və İdman Nazirliyi tərəfindən İdman ustası adı verilməsi ilə bağlı təbrik edib.

Eyni gündə Azərbaycan Kikboksinq Federasiyasının Prezidenti Orxan Əliyev təltif olunan idmançılarımızı qəbul edərək, onları əldə etdikləri nailiyyətlərlə təbrik edib. AKF prezidenti pandemiya dövründə məşq prosesilə maraqlanıb və üzləşdiyi çətinliklərlə tanış olaraq, öz tövsiyyələrilə bölüşüb və gələcəkdə uğur və müvəffəqiyyətlər arzu edib.

Dəfələrlə Azərbaycan çempionu, kadetlər arasında WAKO dünya və Avropa birinciliyinin qalibi, WAKO Dünya kubokunun sahibi Amin Quliyev - 15 dəfə Azərbaycan çempionu, dəfələrlə WAKO dünya və Avropa çempionu, dəfələrlə WAKO Dünya kubokunun sahibi, WAKO-PRO Intercontınental peşəkar kəmərinin sahibi, dəfələrlə peşəkar turnirlərin qalibi, Azərbaycan Respublikasının Əməkdar idman ustası, Əməkdar məşqçi, AKF-nın İdarə Heyətinin sədr müavini Eduard Məmmədovun tələbəsidir.