Tokio-2020 Yay Olimpiya Oyunları çərçivəsində keçirilən bədii gimnastika üzrə yarışlar davam edir. Bu gün mübarizəyə Azərbaycan komandasının üzvü Zöhrə Ağamirova qoşulub. Fərdi gimnastların təsnifat yarışlarında iştirak edən gimnastımız çoxnövçülük üzrə keçirilmiş təsnifat yarışlarında 18-ci yerdə qərarlaşıb. Bu nəticə idmançımızın finala çıxması üçün yetərli olmayıb. Beləliklə, Zöhrə Ağamirova Tokio-2020-də mübarizəni dayandırıb.
Qeyd edək ki, Z.Ağamirova Azərbaycan gimnastika tarixində Olimpiya Oyunlarında bədii gimnastika üzrə fərdi proqramda iştirak etmiş ilk azərbaycanlı idmançıdır.
