Tokio-2020 Yay Olimpiya Oyunları davam edir. Oyunların 16-cı günündə Azərbaycanın bədii gimnastika üzrə qrup hərəkətlərindən ibarət komandası mübarizəyə başlayıb. Ləman Əlimuradova, Zeynəb Hümmətova, Yelizaveta Luzan, Nərminə Səmədova və Darya Sorokinadan ibarət olan komandamız əvvəlcə 5 topla hərəkətlərdə bacarığını nümayiş etdirib. Komandamız bu hərəkətinə görə hakimlərdən 36,700 bal alıb. Gimnastlarımız bu mübarizəni 14 ölkə arasında 10-cu yerdə başa vurublar.
Komandamızın növbəti cəhdi 3 halqa və 2 cüt gürzlə olub. Gimnastlarımızın bu hərəkətini isə hakimlər bu dəfə 37,650 balla qiymətləndiriblər.
Beləliklə, komandamız iki hərəkətin cəmində hakimlərdən 74,350 bal alıb. Gimnastlarımız bu nəticə ilə 14 ölkə arasında 10-cu yeri tutaraq Tokio-2020-nin finalına vəsiqə qazana bilməyiblər. Finala yüksəlmək üçün isə komandamız ilk "8-liy"ə düşməli idi.
.jpg)
.jpg)
.jpg)
.jpg)
.jpg)
.jpg)
.jpg)
jpg-1713866490.jpg)
