Bakıda təşkil olunan dünya çempionatında qadın batutçular arasında fərdi proqram üzrə finala yüksələn 8 gimnast bəlli olub. Yarımfinal mərhələsində uğurla çıxış edən çinli Yunlu Cao, Yanfei Huanq, Böyük Britaniya təmsilçisi Brioni Peyc, Hikaru Mori (Yaponiya), fransalı Lea Labrusse, Lana Lebedeva (Rusiya Gimnastika Federasiyası), kanadalı Sara Milette və İspaniya idmançısı Melania Rodrigez həlledici mərhələyə adlayıblar.
Qeyd edək ki, noyabrın 21-dək davam edəcək dünya çempionatında 33 ölkədən 300-dək gimnast iştirak edir.
Bakı-2021: Yarımfinal mərhələsi başa çatdı
