“Real Madrid”, “Barselona” və “Anji” futbol komandalarının sabiq hücumçusu Samuel Eto O Kamerun Futbol Federasiyasının prezidenti seçilib.
Bu barədə federasiyanın mətbuat xidməti məlumat yayıb. 40 yaşlı futbolçunun karyerası 2019-cu ildə başa çatıb.
Samuel Eto O karyerası ərzində İspaniyanın “Barselona”, “Real Madrid” və “Malyorka”, İngiltərənin “Çelsi”, İtaliyanın “İnter”, Rusiyanın “Anji” və Türkiyənin “Konyaspor” kimi komandalarında çıxış edib. O, üç dəfə İspaniya çempionu və Çempionlar Liqasının qalibi, iki dəfə - İspaniya və İtaliya kuboklarının, İspaniya Superkubokunun sahibi, bir dəfə İtaliya çempionu, İtaliya Superkubokunun və klublararası dünya çempionatının qalibi olub.
Kamerun millisinin tərkibində 118 oyun keçirib və 56 qol vurub ki, bu da milli komandanın tarixində ən yaxşı göstəricidir. Samuel Eto O dörd dəfə Afrikada ilin ən yaxşı oyunçusu seçilib.
Məşhur hücumçu federasiya prezidenti seçildi
![Məşhur hücumçu federasiya prezidenti seçildi](https://olimpnews.az/uploads/img/posts/2021/12/14/Samuel ETojpg-1639467421.jpg)