Bu gün futbol üzrə UEFA Çempionlar Liqasında yarımfinal mərhələsinin cavab oyunlarına yekun vurulacaq. İkinci oyun günündə finala vəsiqə uğrunda İspaniyanın “Real” və İngiltərənin “Mançester Siti” komandaları üz-üzə gələcək. “Santyaqo Bernabeu” stadionunda keçiriləcək matçı italiyalı baş hakim Daniele Orsato idarə edəcək. Bu komandalar arasında İngiltərədəki qarşılaşma “şəhərlilər”in 4:3 hesablı qələbəsi ilə başa çatıb. Bu cütün qalibi finalda ötən gün İspaniyanın “Vilyarreal” komandasını məğlub edən (3:2, 2:0) İngiltərənin “Liverpul” klubu ilə qarşılaşacaq.
