Ekvadordan sonra Seneqal da ev sahiblərinə şans vermədi  - YENİLƏNİB

Ekvadordan sonra Seneqal da ev sahiblərinə şans vermədi  - YENİLƏNİB

Qətərdə keçirilən futbol üzrə dünya çempionatında qrup mərhələsinin 2-ci turunun oyunları davam edir. A qrupunda ev sahibləri Qətər millisi Seneqalla üz-üzə gəlib. Oyun afrikalıların qələbəsi ilə yekunlaşıb -1:3. Matçda hesab 41-ci dəqiqədə açılıb. Bulaye Dia komandasını hesabda irəli çıxarıb. Tərəflər ilk hissəyə bu hesabla yollanıblar. Oyunun ikinci hissəsində Seneqal millisi üstünlüyünü iki topa çatdırıb. 48-ci dəqiqədə Famara Didu 2-ci topu ev sahiblərinin qapısından keçirib. Qarşılaşmanın 78-ci dəqiqəsində Qətər komandası hesab arasındakı fərqi bir qədər azaldıb.  Muntari Qətərin mundiallar tarixində ilk qolunun müəllifi olub - 1:2. Matçda sonuncu qol isə qarşılaşmanın 82-ci dəqiqəsində vurulub. Dienq Seneqalın üstünlüyünü yenidən iki topa çatdımaqla yanaşı afrikalıların qələbəsini rəsmiləşdirib. Beləliklə, oyun Seneqalın - 3:1. hesablı qələbəsi ilə yekunlaşıb.  

Xatırladaq ki, hər iki komanda mundialın ilk turunda məğlub olub. Qətər Ekvadora, Seneqal isə Niderlanda 2 cavabsız qolla uduzub.

25 noyabr

DÇ-2022

Qrup mərhələsi, 2-ci tur

A qrupu

17:00. Qətər - Seneqal - 0:1 (1:3)

Qollar: Məhəmməd Muntari, 78 - Bulaye Dia, 41. Famara Dyedyu, 48. Bamba Dyenq, 84.

Baş hakim. Antonio Migel Mateu Laos (İspaniya)

"Al Tumama" stadionu

 

Ekvadordan sonra Seneqal da ev sahiblərinə şans vermədi  - YENİLƏNİB