Paris-2024 Yay Olimpiya Oyunlarında iştirak edən idmançılar Olimpiya kəndində qida çatışmazlığından şikayətləniblər. Bu barədə LEquipe nəşri məlumat yayıb. Bildirilir ki, təşkilatçılar qida rasionunun hamı üçün kifayət qədər olmasını qeyd ediblər. İdmançılar daha çox toyuq yumurtası və digər məhsulların çatışmazlığından narazıdırlar. Restoran meneceri Sodexo Live bu şikayətə münasibət bildirərək qeyd edib ki, idmançıların rəyləri izlənilir. Oyunlar zamanı qida tədarükünə cavabdeh olan "Carrefour" şirkəti də açıqlama verib ki, qida istehlakı ilə bağlı ilkin hesablamalardan sonra tədarük həcmi artırıla bilər.
Qeyd edək ki, bu, Olimpiya kəndi ilə bağlı ilk şikayət deyil. Belə ki, İsveç millisinin həndbolçuları balıq torlarından hazırlanmış döşəklərdən narazı idilər.
