Paris-2024 Yay Olimpiya Oyunlarında iştirak edən qadınlardan ibarət 3x3 basketbol millimiz Pley-inə vəsiqə qazana bilməyib. Qrupu 7-ci pillədə başa vuran basketbolçularımız Paris-2024-də medallar uğrunda mübarizəni dayandırıb. Belə ki, ABŞ komandasının Çin millisinə qalib gəlməsinə (14:12) baxmayaraq, asiyalılar 12 xal topladıqlarına görə, yığmamızı 1 top fərqi ilə üstələyiblər. Bununla da Çin yığmasının 6-cı pilləni tutaraq Pley-inə vəsiqə qazanması yığmamızın növbəti mərhələ şanslarının üstündən xətt çəkib.
Məlumat üçün bildirək ki, komandamız Pley-inə yüksəlmək üçün ilk "altılığ"a düşməli idi.
Qeyd edək ki, qadınlardan ibarət 3x3 basketbol millimiz qrupda keçirdiyi oyunlarda İspaniya (16:18), Fransa (10:15), Almaniya (8:12), Avstraliya (12:21) və Kanada (19:21) millilərinə məğlub olub. Komandamız yalnız ABŞ (20:17) və Çin (21:19) komandalarından üstün olub.
