Dünya Taekvondosunun 2025-ci ilin yanvar ayı üçün yeni reytinq siyahısı açıqlanıb. Azərbaycan Taekvondo Federasiyasının mətbuat xidmətindən verilən məlumata görə, Paris-2024 Yay Olimpiya Oyunlarında gümüş medal qazanan Azərbaycan taekvondoçusu Qaşım Maqomedovun dünya reytinqindəki mövqeyi dəyişməyib.
Avropa çempionumuz dünya reytinqində ikinci pillədə qərarlaşıb. Q.Maqomedovun Paris-2024-ün finalında məğlub olduğu Cənubi Koreya təmsilçisi Park Taejoon birincidir.
Qeyd edək ki, Qaşım Maqomedov qızıl medal uğrunda görüşdə zədələndiyi üçün döyüş vaxtından əvvəl başa çatmışdı.
