Yüksək Liqada XVIII tura yekun vurulur

Yüksək Liqada XVIII tura yekun vurulur

Bu gün qadın voleybolçular arasında Azərbaycan Yüksək Liqasında XVIII tura yekun vurulacaq. Son oyun Gəncədə baş tutacaq.
Turun bağlanış matçında “Gəncə” klubu “Murov Az Terminal” kollektivini qəbul edəcək. Gəncə İdman Sarayında keçiriləcək qarşılaşma saat 14:00-da start götürəcək.
Turnir cədvəlində 24 xalla dördüncü pillədə qərarlaşan “Gəncə” qələbə sayəsində mövqeyini möhkəmləndirməyə çalışacaq. Beşinci yerdə olan və 18 xala malik “Murov Az Terminal” isə xal fərqini azaltmaq niyyətindədir.
Qeyd edək ki, XVIII turun ötən gün baş tutan görüşlərində “Abşeron” “Milli Aviasiya Akademiyası”na, “Azərreyl” isə UNEC-ə eyni - 3:0 hesabı ilə qalib gəlib.