Yeniyetmələrdən ibarət seçmə komanda gücləndirilmiş təlim-məşqlərə başlayıb. Baş məşqçi Səbuhi Zülfüqarov və komandanın böyük məşqçisi Sənan Həşimovun rəhbərliyi ilə hazırlıqlarda 20 oğlan və 4 qız idmançı iştirak edir.
Fevralın 18-də balşanan 10 günlük fiziki təlim-məşqlər gün ərzində iki dəfə keçirilir. Tofiq Bəhramov adına Respublika stadionunda keçirilən səhər məşqlərində idmançılarda sürət və dözümlülük keyfiyyətlərinin artırılmasına diqqət yetirilir. Azərbaycan Taekvondo Federasiyasının təlim-məşq zalında keçirilən axşam məşqlərində, əsasən, texnki hazırlıq üzərində iş aparılır. Qeyd edək ki, yeniyetmə taekvondoçuları il ərzində bir sıra turnirlər gözləyir. Bu yaş qrupu üzrə keçirilən ilk yarış aprelin əvvəlində təşkil ediləcək Belçikanın açıq birinciliyi olacaq. Ona qədər idmançılar Türkiyədə birgə təlim-məşqlər və yoxlama görüşlərində iştirak edəcəklər. Avqustun son günlərində yeniyetmə taekvondoçularımız Rumıniyanın paytaxtı Buxarestdə keçiriləcək Avropa birinciliyində qüvvələrini sınayacaqlar.
