Taekvondo üzrə kişilərdən ibarət yığma komanda fevralın 24-26-da İranın paytaxtı Tehranda keçirilən 25-ci açıq Fəcr çempionatında uğurlu çıxış edib.Yığmanın baş məşqçisi, əməkdar məşqçi Ələkbər İmaməliyev və böyük məşqçi Elnur Amanovun rəhbərliyi altında İrana yollanan millimizin üzvləri yarışda 3 medala sahib çıxıb. Olimpiya çəki dərəcələrində mübarizə aparan taekvondoçularımızdan Radik İsayev (80+ kq) qızıl, Fariz Əliyev (-68 kq) gümüş, Elvin Məmmədov
(-68 kq) isə bürünc medal qazanıb.
