Karateçilər Bakı-2015 birinci Avropa Oyunlarına səylə hazırlaşırlar

Bakı-2015 birinci Avropa Oyunlarının Təşkilat Komitəsində yarışların proqramına daxil olan karate döyüş idman növünün nümayişi keçirilib. Tədbirdə Avropa Oyunlarının Təşkilat Komitəsinin idman direktoru Pirs O Kallahan, bu qurum ilə Milli Olimpiya Komitəsi arasında əlaqələr üzrə baş menecer Könül Nurullayeva, Avropa Oyunlarının rəqəmsal və sosial media meneceri Rüstəm Hacıyev, eləcə də Təşkilat Komitəsinin onlarla üzvü iştirak edib.

Yığıncağa həmçinin Milli Karate Federasiyasın (MKF) prezidenti Yaşar Bəşirov, birinci vitse-prezidenti İlham Qasımzadə, baş katibi Mircabbar Seyidov, Media və İctimaiyyətlə İşlər katibi Sənan Məhərrəmov, beynəlxalq dərəcəli hakimlərindən MKF-in vitse-prezidenti Yusif Məmmədov, Şahin Xudaverdiyev, Anar Allahverdiyev, Nərgiz Mehdiyeva, milli dərəcəli hakim Cavid Rəfiyev, baş məşqçinin köməkçisi Rəşad Hüseynov, kata üzrə böyük məşqçi Vahid Ayvazov, Avropa Oyunlarında iştirak etməyə namizədlərdən milli komandanın üzvləri Niyazi Əliyev, Ayxan Mamayev və Tural Balcanlı da qatılıblar.

Avopa oyunlarının idman yarışları meneceri Dmitri Çigenev və idman mütəxəssisi Aytən Zeynalova karate döyüş idman növü, beynəlxalq karate təşkilatları və Azərbaycanda karatenin uğurları ilə bağlı tədbir iştirakçılarına ətraflı məlumat verməklə yanaşı, görüntülü infromasiya da nümayiş etdiriblər. Federasiya prezidenti Yaşar Bəşirov ötən 20 illik dövrdə əldə edilən naliyyətlər barədə qısa məlumat verib. Sonra N.Əliyev, A.Mamayev və T. Balcanlının, eləcə də hakimlərin iştirakı ilə tatami üzərində karate yarışlarında zərbələr və müəyyən məqamlar praktiki olaraq iştirakçılara təbliğ edilib. Tədbir Təşkilat Komitəsi tərəfindən əyləncəli-intellektual viktorina ilə davam edib.