Peşəkar döyüşçünün növbəti qələbəsi

Azərbaycanın və "Qəbələ” idman klubunun üzvü qarışıq döyüş növlərində (MMA) çıxış edən Bəxtiyar Abbasov növbəti qələbəsini qazanıb.

Həmyerlimiz Rusiyanın Krasnodar şəhərində təşkil olunan "Tech-Krep FC-PRIME Selection” adlı döyüş gecəsində rəqibindən üstün olub. Həmin yarışda 84 kiloqram çəki dərəcəsində qüvvəsini sınayan idmançımız ukraynalı Artyom Şokalo qarşılaşıb. Gərgin idman mübarizəsi şəraitində keçən görüşdə Bəxtiyar Abbasov ukraynalı rəqibini məğlub edib. Məlumat üçün bildirək ki, bu turnirədək idmançımızın hesabında 16-sı qələbə, 2-si məğlubiyyət olmaqla 18 döyüş var idi. Otuz yaşlı Bəxtiyar 5 ildən artıqdır ki, peşəkar MMA döyüşlərində çıxış edir. Qarşılaşmalarda on altı dəfə qalib gələn təmsilçimiz döyüşlərinin əksəriyyətində ilk raundda qələbə qazanıb. O, "PROFC-GPG”un qalibi, pankration, sambo, döyüş sambosu, ciu-citsu, əlbəyaxa döyüş üzrə dünya çempionu, sambo üzrə Dünya kubokunun qalibidir.