Ölkəmizdə IV İslam Həmrəyliyi Oyunları keçirilir.
Karateçimiz Rafael Ağayev Bakı 2017 IV İslam Həmrəyliyi Oyunlarında qızıl medal qazanıb.
"Olimpnews.az” xəbər verir ki, 75 kq çəki dərəcəsində yer alan 5 qat dünya və 10 qat Avropa çempionu mübarizəyə 1/8 final mərhələsindən başlayıb. Onun ilk rəqibi türkiyəli Erman Eltemur olub. Görüş Ağayevin 3:0 hesablı qələbəsi ilə yekunlaşıb. 1/4 finalda Səudiyyə Ərəbistanından olan Sultan əl-Zəhranini məğlub edən (7:2) idmançımız yarımfinalda malayziyalı Şarmendran Raqonatanı da üstələyərək, finala yüksəlib.
Həlledici görüşdə Azərbaycan karateçisi pakistanlı Sədi Qulam Abbasla üz-üzə gəlib və inamlı qələbə qazanıb - 4:0.
Qeyd edək ki, Rafael Ağayev İslamiadada Azərbaycanın bayraqdarı olub.
