Futbol üzrə Avropa Liqasının qalibi müəyyənləşib.
İsveçin paytaxtı Stokholmdakı "Friends Arena"da keçirilən final matçında İngiltərənin "Mançester Yunayted" və Hollandiyanın "Ayaks" komandaları üz-üzə gəlib.
Amsterdam təmsilçisi son 21 ildə ilk dəfə avrokubokların həlledici oyununa çıxıb. Gənclərdən təşkil olunmuş komanda təcrübəli "Mançester Yunayted"ə layiqli müqavimət göstərib. Hər hissədə bir qol vuran ingilislər 2016/17 mövsümündə Avropa Liqasının qalibi olub.
"Qırmızı şeytanlar" ilk dəfə Avroliqanın baş mükafatını qazanıb. Eyni zamanda MY bütün 3 Avropa kubokuna - Çempionlar Kuboku (hazırkı Çempionlar Liqası), UEFA Kuboku (Avropa Liqası) və hazırda mövcud olmayan Kuboklar Kubokuna yiyələnən 5-ci komanda olub. Əvvəllər bu, 4 kluba nəsib olub ki, onlardan biri də "Ayaks"dır.
Avropa Liqası
Final
"Ayaks" (Hollandiya) - "Mançester Yunayted" (İngiltərə) 0:2
Poqba, 18. Mxitaryan, 48.
Baş hakim: Damir Skomina (Sloveniya)
Stokholm, "Friends Arena"
jpeg-1758050108.jpeg)
jpeg-1758139617.jpeg)
