Əfsanəvi basketbolçu Maykl Cordan dəyəri 70 milyon dollardan artıq olan “Gulfstream G650ER” təyyarəsi alıb. Bu barədə idman müxbiri Co Pompliano sosial media səhifəsində məlumat yayıb.
Cordanın satın aldığı “Gulfstream G650ER” fil motivi ilə gümüş və qara rəngə boyanıb. Təyyarənin tünd qırmızı quyruğu ağ rəngli “Jordan” markasının loqosunu əks etdirir. Bu fərdiləşdirmənin dəyərinin təxminən 500 min dollar olduğu bildirilir. Təyyarənin quyruq nömrəsində N236MJ yazılıb. Nömrədəki “23” Cordanın “Çikaqo Bullz”dakı nömrəsi, “6” onun NBA karyerası ərzində qazandığı titulların sayıdır.MJ onun ingilis dilində baş hərfləridir.
