Boksçularımızın Olimpiadada "bürünc sindrom"u

Braziliyanın Rio-de-Janeyro şəhərində keçiriləcək XXXI Yay Olimpiya Oyunlarının başlamasına sayılı günlər qalıb. Azərbaycan Rio-2016-da rekord sayda idman növü və idmançı ilə təmsil olunacaq.

Dördilliyin zirvə yarışında mübarizəyə, ilk olaraq Azərbaycanı boksçuları başlayacaq. Qazanılan 56 lisenziyadan 11 məhz bu idman növünün payına düşür. Kişilər arasında Rüfət Hüseynov (49 kq), Elvin Məmişzadə (52 kq), Cavid Çələbiyev (56 kq), Albert Səlimov (60 kq), Lorenzo Sotomayor (64 kq), Pərviz Bağırov (69 kq), Kamran Şahsuvarlı (75 kq), Teymur Məmmədov (-81 kq), Abdulkadir Abdullayev (-91 kq), Məhəmmədrəsul Məcidov (+91 kq), zərif cinsin nümayəndələrindən isə Yana Alekseyevna (60 kq) ölkəmizin idman şərəfini qoruyacaq.

Goal.az sizi Azərbaycan boksçularının indiyədək olimpiya oyunlarındakı iştirakını araşdırıb.

Azərbaycanda boksun yaranması

Azərbaycanda boks XX əsrin əvvəllərində Bakıya işləməyə gələn əcnəbi fəhlə və neft sənayesi üzrə mütəxəssislər tərəfindən yaranıb. Ötən əsrin 20-ci illərində paytaxt Bakıda həvəskar boksçuların ilk döyüşləri keçirilməyə başlayıb. 1924-cü ildə Azərbaycan Boks Federasiyası təsis edilib. Azərbaycan idmançılarının beynəlxalq döyüşləri isə 20-ci illərin sonlarına təsadüf edib.

Azərbaycan Boks Federasiyası AİBA-nın tam hüquqlu üzvü olduqdan sonra idmançılarımız Olimpiya oyunlarında, Dünya və Avropa çempionatlarında çıxış etməyə başladılar.

Olimpiya oyunlarında ilk uğur

Olimpiya oyunlarında boksçularımızın ilk uğuru 2000-ci ildə keçirilmiş Sidney Olimpiadasına təsadüf edib. Planetin ən böyük yarışında 75 kq çəki dərəcəsində mübarizə aparan Vüqar Ələkbərov müstəqil Azerbaycanın boks üzrə ilk medalını qazanıb.

Afina Olimpiadası - 2 medal

2004-cü il Afina Olimpiadasından da boksçularımız medalla döndülər. 51 kq çəki dərəcəsində Fuad Aslanov, 54 kq-da isə Ağası Məmmədov fəxri kürsünün 3-cü pilləsinə qalxdılar.

Pekin və Londonda da eyni ssenari

2008-ci ildə Pekində keçirilən Olimpiada da boksçularımız medalsız qalmadılar. Bu dəfə ölkəmizi 57 kq çəki dərəcəsində təmsil edən Şahin İmranov bürünc medal qazandı.

2012-ci il Londonda keçirilən XXX Yay Olimpiya oyunlarında 2 boksçumuz mükafatçılar sırasına düşdü. 91 kq çəki dərəcəsində Məhəmmədrəsul Məcidov, 91+ kq çəki dərəcəsində mübarizə aparan Teymur Məmmədov bürünc mükafata sahib çıxdılar.

Boksçularımızın "bürünc sindrom”u

Azərbaycan boksçularının Olimpiya oyunlarında qazandığı uğurlara nəzər saldıqda bir məqam diqqətdən yayınmır. Sidney, Afina, Pekin və Londonda keçirilən olimpiya oyunlarında 6 boksçumuz eyni əyarlı medal qazanıb. Söhbət bürünc medaldan gedir. Rio Olimpiadasında boksçularımızdan gözləntilər daha yaksəkdir. Bunu deməyə sözgüdən idmançıların son Dünya və Avropa Çempionatlarında göstərdikləri nəticələr əsas verir.

İlk boksçu - Bayraqdar

Bu il Olimpiya oyunlarında Azərbaycanın Olimpiya yığmasının bayraqdarı boksçu Teymur Məmmədov olacaq. Seçim 2012-ci il London Yay Olimpiya Oyunlarının qalibi, sərbəst güləşçi Toğrul Əsgərovla Teymur Məmmədov arasında aparılıb. Sonda iki amilə əsasən, Məmmədova üstünlük verilib: Əsgərov olimpiya və Avropa çempionu, eləcə də "Bakı 2015" I Avropa Oyunlarının qalibi olmuşdusa, Teymur Məmmədov bütün yarışlarda medal qazanıb. O, Avropa çempionu və "Bakı 2015"in qalibi, London olimpiadasının, eləcə də 2 dəfə dünya, 1 dəfə qitə çempionatının mükafatçısı olub. Digər tərəfdən, boksçular Rio-de-Janeyroya hamıdan tez gedəcəklər. Onlar ABŞ-da təlim-məşq toplanışı keçdikdən sonra Braziliyaya yollanaraq, Olimpiya Kəndində yerləşəcəklər. Boksçuların döyüşləri də Açılış Mərasiminin ertəsi - avqustun 6-da başlayacaq. Güləşçilər isə mübarizəyə avqustun 14-dən start verəcəklər.

Məmmədov açıqlamasında bunun onun üçün fəxr olduğunu qeyd edib: "Bayraqdar olmaq mənim üçün çox böyük fəxrdir və çox xoşbəxtəm. Çalışacağam ki, ümidləri doğruldum. Bütün gücümlə çalışacağam ki, Azərbaycanın bayrağını dalğalandırım".

Ölkəmizi Rio-2016-da təmsil edəcək boksçular:

Adı: Elvin

Soyadı: Məmişzadə

Çəkisi: 52 kq

İdman növü: Boks

Təvəllüdü: 17.12.1991

Nailiyyətləri: Avropa çempionatının gümüş mükafatçısı (2010); Avropa çempionatının bürünc mükafatçısı (2013); Birinci Avropa Oyunlarının qalibi; Dünya çempionu (2015).

Rio-2016-ya lisenziyanı 2015-ci ildə Dohada keçirilən dünya çempionatında qazanıb.

Adı: Albert

Soyadı: Səlimov

Təvəllüdü: 05.04.1986

İdman növü: boks

Çəkisi: 60 kq

Nailiyyətləri: I Avropa Oyunlarının qalibi; dünya çempionatının gümüş mükafatçısı (2015).

Rio-2016-ya lisenziyanı 2015-ci ildə Dohada keçirilən dünya çempionatında qazanıb.

Adı: Pərviz

Soyadı: Bağırov

Təvəllüdü: 10.02.1994

İdman növü: boks

Çəkisi: 69 kq

Nailiyyətləri: I Avropa Oyunlarının qalibi; dünya çempionatının bürünc mükafatçısı (2015).

Rio-2016-ya lisenziyanı 2015-ci ildə Dohada keçirilən dünya çempionatında qazanıb.

Adı: Kollazo

Soyadı: Sotomayor

Təvəllüdü: 16.02.1985

İdman növü: boks

Çəkisi: 64 kq

Nailiyyətləri: I Avropa Oyunlarının qalibi.

Rio-2016-ya lisenziyanı 2016-cı ildə Samsunda keçirilən Avropa təsnifat turnirində qazanıb.

Adı: Abdulqadir

Soyadı: Abdullayev

Təvəllüdü: 17.07.1988

İdman növü: boks

Çəkisi: 91 kq

Nailiyyətləri: I Avropa Oyunlarının qalibi.

Rio-2016-ya lisenziyanı 2016-cı ildə Samsunda keçirilən Avropa təsnifat turnirində qazanıb.

Adı: Cavid

Soyadı: Çələbiyev

Təvəllüdü: 17.05.1993

İdman növü: Boks

Çəkisi: 56 kq

Nailiyyətləri: Dünya çempionu (2013).

Rio-2016-ya lisenziyanı Türkiyənin Samsun şəhərində keçirilən lisenziya turnirdə qazanıb.

Adı: Məhəmmədrəsul

Soyadı: Məcidov

Təvəllüdü: 27.09.1986

İdman növü: Boks

Çəkisi: + 91 kq

Nailiyyətləri: İkiqat dünya (2011, 2013) və Avropa çempionu (2013). London-2012 Olimpiadasının və I Avropa Oyunlarının bürünc mükafatçısı.

Rio-2016-ya lisenziyanı Türkiyənin Samsun şəhərində keçirilən lisenziya turnirində qazanıb.

Adı: Teymur

Soyadı: Məmmədov

Təvəllüdü: 11.01.1993

İdman növü: Boks

Çəkisi: 91 kq

Nailiyyətləri: Dünya çempionatının gümüş (2011) və bürünc mükafatçısı (2013); Avropa çempionu (2011). London Yay Olimpiya Oyunlarının bürünc mükafatçısı (2012). Avropa Oyunlarının qalibi (2015).

Rio-2016-ya lisenziyanı Bakıda keçirilən dünya Olimpiya təsnifat turnirində qazanıb.

Adı: Kamran