Bu il kikboksinq üzrə yeniyetmə və gənclər arasında Avropa çempionatına Monteneqronun Budva şəhəri ev sahibliyi edəcək. Noyabrın 5-dən 14-dək keçiriləcək yarışa ev sahibliyi etmək üçün namizədlər arasında Azərbaycan və Niderlandın da adı var idi. Bunun üçün WAKO prezidenti Roy Beyker Bakıya gələrək, Azərbaycan Kikboksinq Federasiyası və Milli Olimpiya Komitəsində görüşlər keçirmişdi. Lakin WAKO Avropa İdarə heyətinin növbədənkanar iclasında qəbul olunan qərara əsasn yarışa ev sahibliyi etmək hüququ Monteneqroya verildi.
Qeyd edək ki, ölkəmiz bundan əvvəl 2021-ci il Dünya çempionatına da ev sahiblik etmək üçün namizədliyini irəli sürmüşdü. 4 ölkənin - Azərbaycan, Hollandiya, İtaliya, Monteneqronun namizəd olduğu mübarizədə
İtaliyanın Cesolo şəhəri yarışa ev sahibliyi etmək hüququnu qazanmışdı. Həmin çempionat oktyabrın 14-dən 24-dək təşkil olunacaq.
