Çingiz Hüseynzadə: "Pandemiya hazırlığa da, lisenziyaların sayına da, təsir göstərib”

$Çingiz Hüseynzadə: \"Pandemiya hazırlığa da, lisenziyaların sayına da, təsir göstərib”$

BOK

25.06.2021, 13:58

Milli Olimpiya Komitəsinin (MOK) vitse-prezidenti Çingiz Hüseynzadə Tokio-2020 Yay Olimpiya Oyunlarına həsr edilmiş tədbirdən sonra jurnalistlərə müsahibə verib.

Çingiz Hüseynzadə MOK-da təşkil olunan bugünkü tədbirdən sonra idmançılarımızın Tokio-2020 Yay Olimpiya Oyunlarında iştirakı ilə bağlı sualları cavablandırıb. Hımin müsahibəni oxucularımıza təqdim edirik.

- Olimpiadaya bir ay qalıb. Lakin hələ lisenziyalar qazanıla bilər. Yekunda hansı nəticəni gözləyirsiniz və əsas məsələ Tokioda hansı nəticə uğurlu hesab olunacaq? - Lisenziyaların qazanılması hələ davam edir. Bir neçə idman növündə vəsiqə ala bilərik. Bunlar atletika, ağırlıqqaldırma, üzgüçülükdə mümkündür. Triatlonda da yenə lisenziya gözləyirik. Onların sayı arta bilər. Nəticəyə gəlincə, bu Olimpiya Oyunları əvvəlkilərə bənzəmir. Tamamilə başqa Oyunlardır, başqa şəraitdir. Əlbəttə, pandemiya hazırlığa da, lisenziyaların sayına da, bütün həyatımıza da təsir göstərib. Ona görə də bu həyatımızdakı yeganə və ilk mürəkkəb şəraitdə keçirilən Olimpiadadır. 2021-ci il olmasına baxmayaraq, yarışın adı Tokio-2020-dir. Olimpiada bir il təxirə salınıb. Bu təxirəsalma nə deməkdir? 2020-ci ildə namizəd olan bəzi idmançılar yoxdurlar, qocalıblar və yaxud ötən il yarışa gedə bilməyənlər bu dəfə iştirak edəcək. Bizim cüdo komandamızı götürək. 60 kq, 81 kq çəkidə idmançımız olmayacaqdı. Çünki reytinqləri aşağı idi. Bu il ərzində onlar reytinqlərini qaldırıb, Olimpiadaya düşdülər. Yaşlı idmançılar üçün çətin olacaq. Bir il də qocalıblar. Fiziki formanı bir il də saxlamağın nə olduğunu bilirsiniz. Bizim başqa ölkələrin idmançılarının hazırlığı barədə məlumatımız yoxdur. Çünki yarışlar keçirilməyib. Çox az turnir olub. Boksda bir turnir təşkil olunub. Lisenziya qazanan idmançıların durumu haqda məlumatımız yoxdur. Ona görə də bu Olimpiadada proqnoz vermək çox çətindir. Həmişə proqnozlar verərdim. Kifayət qədər reallığa yaxın olurdu. Bu dəfə də əminəm ki, medallarımız olacaq, az olmayacaq. Əyarlı medallarımız olacaq. Çalışacağıq ki, bu il kəmiyyətdən çox, keyfiyyətə fikir verək.

- Hansı idman növündə idmançılar lisenziya sayında ümidləri doğrultdu, hansında yox? - Hansı idman növünün nə qədər lisenziya qazanması ilə bağlı ənənə vardı. Çüdoçular planı artıqlaması ilə doldurdular. Bu dəfə 9 nəfərlə gedirlər. Güləşçilər isə olimpiadaya 7 nəfərlə gedir. Ötən olimpiadada isə bu rəqəqm 14 idi. Ona görə deyirəm ki, güləşdə çalışıb kəmiyyətlə deyil, keyfiyyətlə cavab verək. Bunu komandanın say baxımından az olması səbəbindən deyirəm. Pandemiya çox şeyi dəyişdi.

- 8 medal gözlədiyinizi açıqlamısınız. Bu rəqəmi təsdiqləyirsiniz? - Azı 8 real medalımız ola bilər. Hər bir güləşçimizdən, cüdoçularımızdan medal gözləyirəm. Bu dəfə əsas ümidimiz karateçilərdir. Onlardan yaxşı nəticə gözləyirik. Boksdan, taekvondodan medala namizədlərimiz var. Komandada güclü idmançılar yer alıb. Rio bizi nəyə öyrətdi? 8 idmançımız finala çıxdı. Onlardan yeddisi uduzdu, biri qızıl medal qazandı. Onların hər biri qızıl ala bilərdi. Medal dedikdə onların əyarını müəyyənləşdirmək çox çətindir. Bir saniyədə, bir anda baş verən məsələlərdir. Ümumiyyətlə, medala gəldikdə ümid edirəm ki, kifayət qədər olacaq.

- Mətbuat konfransında rəsmi yolasalma mərasiminin keçirilməyəcəyini dediz. Bəs idmançılar təxminən nə vaxt Yaponiyaya gedəcəklər? - Bununla bağlı qrafik var. Məsələn, cüdoçular birinci yollanacaq. Yarışa bir həftə qalmış, Olimpiya kəndi açılanda onlar Tokioya gedəcək. Digər idmançılar öz vaxtında, yarış gününə 2 gün qalmış ora yollanıb, uzağı 2 gün sonra geri qayıtmalıdır. Bu, Olimpiadanın qaydaları ilə nizamlanıb.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR