Bakıda keçirilən Dünya Kubokunda 10 m məsafəyə tapança atıcılığı növündə final yarışı başa çatıb.
"Report" xəbər verir ki, finalın qalibi serbiyalı Damir Mikeç olub. Bolqarıstanlı Kaloyan Stamenov gümüş, almaniyalı Maykl Şvald bürünc medal qazanıb.
12:22
Bakıda atıcılıq üzrə Dünya Kubokunda ilk finallar başa çatıb.
"Report" xəbər verir ki, 10 m tüfəng atıcılığı üzrə kişilər arasında yarışda serbiyalı Lazar Kovaçeviç 16:14 hesabı ilə xorvatiyalı Miran Mariçiçi önləyərək qızıl medal qazanıb. Yarışın gümüş medalçısı Miran Mariçiç, bürünc medalçısı qazaxıstanlı İslam Usseynov olub.
10 m tüfəng atıcılığı üzrə qadınların finalında fransalı Osean Müller rəqibi polşalı Aneta Stankeviçə 16:12 hesabı ilə qalib gəlib. Rumıniyalı İli Laura-Georgeta bürünc medal sahibi olub.
Qeyd edək ki, qadın və kişilər arasında 10 m tapança atıcılığı üzrə finallar bu gün keçiriləcək.
**
10 m tapança atıcılığı üzrə qadınlar arasında finalın qalibi polşalı atlet Klaudia Bres olub. Fransalı Kamilla Yedrjeyevski gümüş, bolqarıstanlı Antuaneta Kostadinova bürünc medala yiyələniblər.
Qalib Lazar Kovaçeviç Azərbaycanda ikinci dəfə olduğunu, daha əvvəl 2017-ci ildə Qəbələdə keçirilən Dünya Kubokunda iştirak edib, 9-cu yer tutaraq, yarımfinala düşə bilmədiyini deyib: “Azərbaycanda keçirilən Dünya Kuboku yüksək səviyyədə təşkil olunub. Bütün atletlərə lazımi köməklik göstərilir. Ölkəniz möhtəşəmdir. İnsanlarınızın qonaqpərvərliyi mükəmməldir. Digər atletlərə, idmançılara uğurlar arzulayıram. Təşkilatçılara xüsusi təşəkkürümü bildirirəm”.
“Ölkənizdə keçirilən mötəbər yarışda iştirak etdiyim üçün özümü xoşbəxt hiss edirəm. Dünya Kuboku yüksək səviyyədə təşkil olunub. Atletlər üçün hər cür şərait təşkil edilib. 10 metr pnevmatik tüfəng yarışlarında qalib oldum. Möhtəşəm hisslər keçirirəm. Növbəti hədəfim Aralıq dənizi Oyunları yarışlarında qalib olmaqdır. Əsas məqsədim isə 2024-cü ildə Parisdə keçiriləcək Olimpiya Oyunların iştirak edib, çempionluq sevinci yaşamaqdır”, - qızıl medalçı Osean Müller deyib.
