Fransanın paytaxtı Parisdə keçirilən XXXIII Yay Olimpiya Oyunları davam edir. Bu gün Azərbaycan komandasının daha iki idmançısı olimpiadada mübarizəyə başlayacaq. Hər iki təmsilçimiz bu gün start götürəcək yunan-Roma güləşi üzrə yarışlarda xalça üzərinə çıxacaq.
Belə ki, klassiklərimizdən ilk olaraq Sabah Şəriəti (130 kq) və Murad Məmmədov (60 kq) mübarizəyə başlayacaq.
Mübarizəyə 1/8 finaldan başlayan S.Şəriəti ilk görüşünü estoniyalı Heyki Nabiyə qarşı keçirəcək.
Murad Məmmədov isə 1/8 finalda venesuelalı Rayber Joze Rodrigez Orosko ilə qarşılaşacaq.
Güləş yarışlarına Bakı vaxtı ilə saat 17:00-da start veriləcək.
Qeyd edək ki, Azərbaycan yunan-Roma güləşi üzrə yığma komandamız Paris-2024-də 5 idmançı ilə təmsil olunur.
Bu gün yunan-Roma güləşçilərimiz Paris-2024-də mübarizəyə başlayırlar
jpeg-1722840990.jpeg)
