Azərbaycan parataekvondoçusu İmaməddin Xəlilov Fransada keçirilən Paris-2024 Yay Paralimpiya Oyunlarında mübarizəyə başlayıb.
K44 kateqoriyasında, 70 kq çəki dərəcəsində yer alan idmançımız 1/4 finalda Miçel Ernesto Uolkerlə (Kuba) üz-üzə gəlib.
Rəqibinə 12:2 hesabı ilə qalib gələn İ.Xəlilov yarımfinala vəsiqə qazanıb.
Qeyd edək ki, Paris-2024 Yay Paralimpiya Oyunlarına sentyabrın 8-də yekun vurulacaq. Hazırda komandamızın aktivində bir bürünc medal var. Yeganə medalı komandamıza paratekvondoçumuz Sabir Zeynalov (58 kq) qazandırıb.
