Azərbaycan millisi qrupda qaldı

Azərbaycan millisi qrupda qaldı

Bakı-2015 I Avropa Oyunlarında kişi voleybolçuların yarışı davam edir.
Bakı Kristal Zalında keçirilən turnirin IV turunda Azərbaycan yığması Polşa ilə qarşılaşıb. Bu matçadək xal qazana bilməyən Bülənt Karslıoğlunun yetirmələri uğursuz çıxışını qrupun lideri ilə matçda da davam etdirib. Belə ki. rəqibinə heç bir setdə müqavimət göstərə bilməyən yığmamız 0:3 hesabı ilə uduzaraq, 1/4 final şanslarını rəsmən itirib.
Yığmamız kimi qrupumuzun digər autsayderi də son turun nəticəsindən asılı olmayaraq, mərhələ adlaya bilməyəcək. A qrupunda çıxış edən digər 4 komanda – Polşa, Fransa, Serbiya və Türkiyə isə 1/4 finala vəsiqəni təmin edib. B qrupunda Rusiyanın ardından Bolqarıstan da növbəti mərhələyə yüksəlib. Almaniya İtaliya ilə matçda 1 xal qazansa, qrupdan çıxacağı rəsmiləşəcək.
Qeyd edək ki, kişi voleybolçuların yarışında sonuncu tur iyunun 22-də keçiriləcək.

Voleybol
Kişilər, IV tur
A qrupu

Fransa – Türkiyə - 3:0 (25:23, 25:19, 25:16)
Serbiya – Finlandiya - 3:0 (25:16, 28:26, 25:20)
Polşa – Azərbaycan – 3:0 (25:14, 25:13, 25:17)

B qrupu

Slovakiya – Belçika - 3:1 (25:22, 19:25, 25:21, 25:9)
Rusiya – Bolqarıstan - 1:3 (22:25, 25:23, 23:25, 17:25)
Almaniya – İtaliya
Günün sonuncu qarşılaşması Almaniya və İtaliya voleybolçuları arasında keçirilir. İlk set almanların üstünlüyü ilə başa çatıb – 25:18.