Avropa çempionatının "C” divizyonunda mübarizə aparan basketbol üzrə qadınlardan ibarət yığma komandalarımızın rəqiblərinin adları açıqlanıb.
Olimpnews.az saytının məlumatına görə, Samit Nuruzadənin rəhbərlik etdiyi 16 yaşadək olan oğlan basketbolçular çempionatın A qrupunda iyulun 17-dən 24-dək Kiprin paytaxtı Nikosiyada mübarizə aparacaq. Millimiz bu qrupda Malta, Kipr, Uels və San Marino yığmaları ilə mübarizə aparacaq.
Oğlanlardan ibarət U-18 yığmamız isə Cəbəllütariq, Andorra və Monako komandaları ilə üz-üzə gələcək. Baş məşqçi Tahir Baxşıyevin yetirmələri də A qrupunda güclərini sınayacaqlar. Qrupun oyunları iyulun 8-dən 15-dək San Marinoda təşkil olunacaq.
