Ötən həftə Azərbaycan kubokunun yarımfinal mərhələsinə start verilib. İlk oyunlar çərçivəsində təşkil olunan hər iki qarşılaşma Bakıda keçirilib.
"Qarabağ” "İnter Arena”da "Simurq”u sınağa çəkib. Cari mövsüm rəqibini 3 çempionat oyununda məğlub edən Qurban Qurbanovun yetirmələri bu dəfə də azarkeşlərini qələbə ilə sevindirib. Ağdamlılar əvvəlki kubok matçlarında qol buraxmayan rəqibini Cavid Tağıyevin qolu ilə məğlub edib - 1:0. Bu həftə Topaz Premyer Liqası çərçivəsində də üz-üzə gələcək komandalar ardınca cavab oyununa çıxacaqlar.
"Neftçi” ilə "İnter” klubları arasında paytaxt derbisi isə "Bakcell Arena”da keçirilib. Bu qarşılaşmanın taleyini "ağ-qaralar”ın "qol silahı” Nikolas Kanales həll edib. Hər hissədə bir qol vuran çilili bombardir komandasının qələbəsində böyük pay sahibi olub.
Qeyd edək ki, yarımfinal mərhələsinin cavab oyunları aprelin 21-də keçiriləcək.
Azərbaycan kuboku
1/2 final mərhələsi, ilk oyunlar
13 aprel (bazar ertəsi)
"Neftçi” - "İnter” - 2:0
Qollar: Nikolas Kanales, 19; 71.
Hakimlər: İnqilab Məmmədov, Mehman Mahmudov, Rza Məmmədov, Elşən Acalov.
Əlavə köməkçi hakimlər: Vüsal Əliyev, Elvin Əsgərov.
Bakı. "Bakcell Arena” stadionu.
"Qarabağ” - "Simurq” - 1:0
Qol: Cavid Tağıyev, 15.
Hakimlər: Əliyar Ağayev, Namiq Hüseynov, Mübariz Haşımov, Zeynal Zeynalov.
Əlavə köməkçi hakimlər: Rəhim Həsənov, Orxan Məmmədov.
Bakı. "İnter Arena” stadionu.
jpeg-1758050108.jpeg)
jpeg-1758139617.jpeg)
