21 yaşınadək millimizin və Düsseldorf "Fortuna”sının üzvü Tuğrul Erat vaxtilə UEFA Avropa Liqasından "Qarabağ”ı uzaqlaşdıran Dortmund "Borussiya”sı ilə yoxlama matçında meydana çıxıb. 1-ci Bundesliqa təmsilçisi bu görüşün birinci hissəsində əsas heyətə güvənib.
Erat bu oyunda 90 dəqiqə meydanda olub. Hesabı oyunun 8-ci dəqiqəsində Marko Roys açsa da, 10 dəqiqə sonra Tuğrulun künc ötürməsindən sonra Martin Latka hesabı bərabərləşdirib. "Borussiya”dan Martsel Şmeltser və Yonas Hofmanın qollarına "Fortuna” matçın 75 və 77-ci dəqiqələrində Timm Qolli və Oliver Finklə cavab verib. Ancaq görüşün əsas vaxtının bitməsinə 8 dəqiqə qalmış Hoffmannın vurduğu qol "Borussiya”nın 4:3 hesablı qələbəsi ilə nəticələnib.
Qeyd edək ki, Tuğrul Erat bundan əvvəl "Fortuna”nın Hollandiyanın "Meerssen” (3:0), Xorvatiyanın "Dinamo” (0:1), Almaniyanın "Ştrümp” (7:0), "Bayer” (0:4), "Ayntraxt” (1:1, pen. - 5:6), Perunun "Alyansa” (2:1) və Norveçin "Odd” (0:0) klubları ilə yoxlama oyunlarında meydana çıxmış və 4 qol vurmuşdu.
jpeg-1758656522.jpeg)
jpeg-1758655458.jpeg)
jpeg-1758139617.jpeg)
