AFFA-nın inzibati binasında İcraiyyə Komitəsinin (İK) iclası keçirilib. Olimpnews.az saytının məlumatına görə, AFFA prezidenti Rövnəq Abdullayev və baş katib Elxan Məmmədovun da qatıldığı iclasda İK üzvlərindən Elmar Məmmədyarov, Mahir Məmmədov və Vaqif Sadıqov iştirak etməyib.
Toplantının əsas müzakirə mövzusu Topaz Premyer Liqasının 2016/2017-ci illər mövsümündə neçə komandanın iştirak edəcəyi ilə bağlı olub.
Aparılmış müzakirələrdən sonra aşağıdakı qərarlar qəbul olunub:
1. 2016-2017-ci illər mövsümündə Premyer Liqada çıxış edəcək klubların sayının müəyyənləşdirilməsi barədə qərar İcraiyyə Komitəsinin 13 iyun 2016-cı il tarixində keçiriləcək iclasında qəbul olunsun. AFFA, PFL və Lisenziyalaşdırma Qrupu I Diviziondan idman prinsiplərinə uyğun olaraq Premyer Liqaya yüksəlmək ehtimalı olan klubların vəziyyəti ilə bağlı iyunun 13-dək araşdırma aparıb İcraiyyə Komitəsinə təqdim etsin.
2. Rafiq Mirzəyevin U-17 Azərbaycan yığmasının, Mirbağır İsayevin U-16 Azərbaycan yığmasının, Milton Luiz Ziller Juniorun futzal üzrə Azərbaycan milli komandasının, Zeynal Zeynalovun çimərlik futbolu üzrə Azərbaycan milli komandasının baş məşqçisi vəzifəsinə təyinatı təsdiq olunsun.
jpeg-1758050108.jpeg)
jpeg-1758139617.jpeg)
