Milli komandaların FİFA reytinqi açıqlanıb. Olimpnews.az saytının məlumatına görə, cədvəl Azərbaycan milisinin fantastik sıçrayışla əlamətdar olub.
Yığmamız ötən ayla müqayisədə 45 pillə irəliləyib. Kurasao ilə eyni qədər inkişafa nail olan komandamız yalnız Monteneqronun irəliləyişinə həsəd apara bilər. Sonuncular irəliyə doğru 49 addım atıb.
Hesabında 404 xal olan Azərbaycan yığması 88-ci pillədə qərarlaşıb. Ötən ay 252 xalla 133-cü olan Robert Prosineçkinin yetirmələrinin 152 xal qazanması DÇ-2014-ün Norveçlə ev (1:0), Çexiya ilə səfər (0:0) qarşılaşmaları sayəsində mümkün olub. Nəticədə komandamız Bolqarıstan, Qazaxıstan, Litva və Latviya kimi Avropa ölkələrini geridə qoyub.
Dünyanın ən güclü 10 komandasının mövqeyində də müəyyən dəyişikliklər qeydə alınıb. Argentina zirvədə qalsa da, Belçika 2-ci sıranı əldən verib. Nəticədə Almaniya 2-ci, Braziliya 3-cü yerə yüksəlib. Bundan başqa, Portuqaliya və Kolumbiya 1 addım geriləyib, Fransa 1 pillə irəliləyib. İspaniya isə ilk "10-luğ”a daxil olub.
Millimizin DÇ-2018-in seçmə mərhələsindəki rəqiblərindən Almaniya irəliləyib, San Marino mövqeyində qalıb. Digər komandalar isə geriləyib. Şimali İrlandiya 6, Çexiya 7, Norveç isə 11 addım geri düşüb.
Qeyd edək ki, qonşu Türkiyə yığması 25-ci yerə enib. 4 pillə geriləyən "ay-ulduzlular” 843 xala malikdir.
1 (1). Argentina 1621
2 (3). Almaniya 1465
3 (4). Braziliya 1410
4 (2). Belçika 1382
5 (4). Kolumbiya 1361
6 (6). Çili 1273
7 (8). Fransa 1271
8 (7). Portuqaliya 1231
9 (9). Uruqvay 1175
10 (11). İspaniya 1168
...36 (30). Ş. İrlandiya 739
...40 (33). Çexiya 663
...81 (70). Norveç 438
...88 (133). Azərbaycan 404
...201 (201). San Marino 17
jpeg-1758050108.jpeg)
jpeg-1758139617.jpeg)
